Khua dêh čar ơi Phạm Minh Chính hơmâo nao čuă sa, dua boh sang anŏ phrâo man pơdong sang lơm ngă tui tơlơi pơphun anai. Hok mơ-ak lơm ƀuh tơlơi hơdip yâo mơ-ak mơng lu sang naŏ lơm hơmâo sang dŏ phrâo, Khua dêh čar lăng yôm lơm tơring čar Hòa Bình “lăi amra ngă mơtăm”, ba glăi tơlơi yâo mơ-ak kơ mơnuih ƀôn sang.

Khua dêh čar rơkâo djop gưl, khul Ping gah, gong gai ƀon lan đing nao git gai, ngă lar hyu tơlơi pơphun rơhông djru tơl anih, hơmâo gơnam djru gơnam tam, hơmâo ƀiă djru ƀiă, hơmâo lu djru lu, wai lăng brơi kơ klă djop ngăn rơnoh kiăng pơgiong hơnong pơkă ruh hĭ abih sang tơ̆i rơ̆i kiăng man pơdong sang phrâo brơi sang anŏ ƀun rin; laih dong pok pơhai ha amăng plĕ hơdôm hơdră bruă djru brơi mơnuih ƀôn sang hơmâo bruă mă, ƀu djơ̆ kơnong kiăng pơklaih mơng ƀun rin đôč ôh ăt kiăng anăp nao tơlơi hơdip trơi pơđao yâo mơ-ak dong.