Ƀơi mông jơnum, Khua dêh čar ơi Phạm Minh Chính brơi thâo, amăng rơwang bruă thun 2021-2026, Kơnuk kơna jao brơi 400 rơbâo klai prăk pơkra jơlan glông. Anai lĕ, rơnoh bruă prong, lu biă mă. Djop ring bruă, kơčăo bruă hơmâo pơpha pơ djop anih mơ̆ng kual Dơnung đĭ nao pơ kual Kơdư, hăng lu kơčăo bruă pơkra jơlan rơdêh đuăi nao rai Kơdư truh pơ Dơnung, Yŭ nao pơ Ngŏ hăng pơtruh nao pơ 6 anih bơwih ƀong huă mơnuih mơnam phun. Yua kơ anun yơh, Khul git gai mơ̆ng dêh čar khom jŭ yap na nao, ĕp lăng pơtrut bruă mă ngă giong djơ̆ tơhnal pơkă.

Khua dêh čar brơi thâo, ră anai, kơnuk kơna hơmâo jao rơnoh prăk, čih pơkra tơlơi phiăn pơtrun mă bruă; pơsir tañ hơdôm tơlơi tơnap dŏ gun; bruă pơtrut lu ring bruă, kơčăo bruă kơnong dŏ glăi amăng bruă ngă tui đôč, Khua dêh čar pơtrun hiăp kơ ƀing ding kơna khul git gai, khua mua djop ding jum, anom bruă, djop tơring čar, ƀôn prong khom pơmin hmar, hơdeč ƀiă, pơđĭ tui tơlơi glăm ba prong ƀơi anăp Ping gah, Kơnuk kơna, mơnuih ƀôn sang, khom ba jơlan hlâo, hur har amăng bruă mă, git gai, pơčrâo ba; pơgăn khut khăt bruă ngă soh sat, hưp ham ƀong kông ngăn...ngă tui  djop ring bruă, kơčăo bruă ƀơi dêh čar, phun ñu lĕ anom bruă jơlan glông pơdŭ pơgiăng.