Amăng mông pơhiăp telephôn, Khua dêh čar ơi Phạm Minh Chính sa wŏt dong pơpŭ dêh čar Singapore hơmâo pơphun truh kih tal plĕ hră. Khua dêh čar đăo gơnang hăng bruă jao mơ̆ mơnuih ƀôn sang Singapore jao, Khua dêh čar Lawrence Wong amra tŏ tui git gai, ba lŏn ia Singapore găn rơgao djop tơlơi lông, tŏ tui pơđĭ kyar hơđong, pơdrong asah.

Pơlăi nao rai tơlơi rô nao rai Việt Nam-Singapore, Khua dêh čar ơi Phạm Minh Chính rơkâo dua bơnah pơtrut ngă hrŏm bơwih ƀong huă, pok prong tuh pơ alin mơng Singapore ƀơi Việt Nam, sit biă ñu lĕ amăng hơdôm bruă boh thâo ia rơgơi, apui lơtrik pơkra glăi, anih anom rơgơi hăng pơđĭ kyar plơi prong hơđong kjăp; kơtưn ngă hrŏm amăng hơdôm bruă sĭ mơdrô pơ tač rơngiao apui lơtrik pơđuăi hăng angĭn, jao nao rai hră pơsit carbon, pơplih bruă prăk kak, pơđĭ kyar tơdrun ia rơsĭ hăng pơgang, pơgăn ƀing ngă soh găn nao rai djop dêh čar. Dua čô khua dêh čar tŭ ư amra pơčrông sai tong ten kơ bruă ngă hrŏm dua bơnah hăng hơdôm bruă phara ƀrô hrơi jơnum khua mua pơprong kual ASEAN pơ anăp ƀơi Malaysia.