Pơhiăp ƀơi mông jơnum Khua dêh čar ơi Phạm Minh Chính hok mơ-ak kơ bruă Australia lăi pơthâo pơhrua thim 222,5 klăk dolar Australia kơ bruă ngă hrŏm hăng hơdôm boh dêh čar kual Mekong, Akŏ pơdong Keh prăk tuh pơ alin hơmâo nua 2 klai dolar Australia hăng tơlơi pơčeh phrâo pơtrut sĭ mơdrô hăng tuh pơ alin hăng hơdôm boh dêh čar ASEAN hrơi blan pơ anăp.

Lăi nao jơlan hơdră đĭ kyar bruă ngă hrŏm hrơi blan pơ anăp, dua bơnah kiăng gir pơplih kơtang hloh amăng bruă bơwih ƀong, biă ñu lĕ bruă sĭ mơdrô hăng tuh pơ alin kiăo tui boh tŭ yua Hră kĭ pơkôl sĭ mơdrô rơngai ASEAN - Australia - New Zealand phrâo pơplih phrâo hăng Hră kĭ pơkôl ngă hrŏm bơwih ƀong abih bang amăng kual (RCEP); laih dong pơtrut ngă hrŏm amăng bruă phrâo kah hăng pơčeh rơgơi, bơwih ƀong mrô, pơplih mơtah, pơplih apui kơtrik, sĭ mơdrô điện tử, pơtruh nao rai, ba hơdôm bruă ngă hrŏm anai jing tơlơi gêh gal pơđĭ tui tơlơi rô nao rai bơwih ƀong dua bơnah.