Tŭ jum yă Khamphao Ernthavanh, Khua anih jưh pơ ala dêh čar Lao ƀơi Việt Nam, Khua dêh čar Phạm Minh Chính lăi pơtong Việt Nam hăng Lao hơmâo tơlơi rô nao rai giang mah, anai lĕ kông ngă yôm mơ̆ rĭm čô mơnuih ƀôn sang dua bơnah kiăng gơgrong djă pioh, ƀu pơdơi hơkrŭ kjăp hăng pơđĭ kyar. Khua dêh čar čang rơmang anom bruă bơdjơ̆ nao dua bơnah gum hrŏm klă ƀiă dong, gir run pơsir hĭ hơdôm tơlơi gun găn kiăng ba tơlơi ngă hrŏm amăng bơwih ƀong huă, sĭ mơdrô, tuh pơ alin.

Ăt amăng yang hrơi tlam lơ 19/3, Khua dêh čar ơi Phạm Minh Chính hơmâo mông tŭ jum Khua anih jưh pơ ala dêh čar Hàn Quốc ƀơi Việt Nam ơi Choi Young Sam ƀrô hrơi ñu rai mă bruă pơ Việt Nam. Khua dêh čar rơkâo dua bơnah tŏ tui pơtrut sĭ mơdrô, pơđĭ kyar hơđong anăp nao ngă bơkơnar, hơđong kjăp; pơtrut pơsur hơdôm anom bơwih ƀong sĭ mơdrô dêh čar Hàn Quốc tŏ tui pok prong bruă tuh pơ alin, amăng anun đing nao djop mơta mơng Hàn Quốc hơmâo tơlơi dưi prong mơng gru grua, boh thâo măi mok, pơkra ƀattô hăng djop mơta bruă yôm hloh anun lĕ măi mok pơkĕ nao rai.