Khua dêh čar ơi Phạm Minh Chính lăi pơtong Việt Nam hăng Prang hơmâo tơlơi rô nao rai giang mah, gru grua, pơlir hơbit djop mơta; pơsit tong Việt Nam lêng kơ lăng dêh čar Prang lĕ dêh čar ngă hrŏm yôm phăn amăng hơdră pơtom hiăp. Khua dêh čar rơkâo dua bơnah tŏ tui pơtrut pơbưp nao rai khua mua djop gưl, pok pơhai tŭ yua tơhnal pơkă mơng tal pơhiăp telephôn kơplah wah Khua git gai Ping gah dêh čar ơi Nguyễn Phú Trọng hăng Khua mir sir ơi Emmanuel Macron blan 10/2023.

Bưp khua anih jưh pơ ala dêh čar Español Carmen Cano de Lasala, Khua dêh čar pơsit tong Việt Nam lêng kơ lăng yôm hăng čang rơmang tơlơi rô nao rai ngă hrŏm djơ̆ tơhnal sui thun hăng dêh čar Español, hăng amra hrưn đĭ pơplih phrâo dong. Khua dêh čar rơkâo dua bơnah tŭ mă hơdôm tơlơi gal mơ̆ tơlơi pơkôl EVFTA ba glăi; rơkâo Español pok bah amăng brơi gơnam tam mơng Việt Nam, sit biă ñu lĕ gơnam đang hmua, măi mok, sum ao dưi ba nao sĭ mơdrô.