Khua dêh čar ơi Phạm Minh Chính hăng Khua ding jum yă Mary Ng hok mơ-ak yua tơlơi rô nao rai Ngă gŏp abih bang bruă glăk đĭ kyar dlăm amăng djŏp mơta bruă. Ră anai dêh čar Canada jing dêh čar sĭ mơdrô prong tal 3 mơ̆ng Việt Nam amăng kual Châu Mỹ laih anun Việt Nam jing dêh čar ngă hrŏm sĭ mơdrô prong hloh mơ̆ng Canada amăng kual ASEAN. Khă hnun, tơlơi gêh gal pơđĭ kyar kơplah wah dua bơnah prong biă, biă ñu amăng bruă hơdôm bơnah dưi ngă, gêh gal hloh; kiăng mă yua đut tơhnal hơdôm tơlơi gêh gal anai kiăo tui bruă ngă hrŏm dua bơnah hăng lu bơnah. Khua dêh čar ơi Phạm Minh Chính kiăng dua bơnah ngă hrŏm kjăp hloh đah mơ̆ng pơtrut tui tơlơi ngă hrŏm gah sĭ mơdrô, tuh pơ alin, pơplih mơtah mơda, pơplih yua mrô, măi mok boh thâo phrâo, pơkra gơnam hăng măi mok, pơgang ayuh hyiăng pơplih, apui lơtrik, boh thâo ia rơgơi, pơtô pơjuăt...

Khua dêh čar bơni hăng čang rơmang dêh čar Canada lăng ba dong, ngă gêh gal brơi hloh kiăng mơnuih ƀôn sang Việt Nam pơ Canada hơdip mơda, hrăm hră, mă bruă amuñ ƀiă, hơđong tơlơi hơdip gah adih; čang rơmang Canada djru prăk kăk kơ čơđai sang hră Việt Nam nao hrăm hră pơ Canada.