Ƀơi mông tŭ jum, Khua dêh čar đăo kơnang tal rai čuă mơ̆ng Khua ding jum Bakhtiyor Saido amra gum pơtrut tui hăng pok prong tơlơi ngă hrŏm dua bơnah hrơi blan pơ anăp. Khua dêh čar ta lăi, kiăo tui tơlơi rô nao rai mơ̆ng đưm hlâo, kiăng pơtrut ngă hrŏm abih bang hloh hluai tui Ping gah, Kơnuk kơna, Anom bruă pơ ala mơnuih ƀôn sang dêh čar hăng bruă bơkơtuai grup khua mua; ăt kah hăng akŏ pơdong tơlơi ngă hrŏm phrâo kơplah wah djŏp ding jum, anom bruă. Biă ñu dua bơnah kiăng ngă hrŏm tŭ yua mông bưp kơplah wah hơdôm anom bơwih ƀong hăng tơring čar dua boh dêh čar amăng hrơi anai (lơ 19/3).

Khua dêh čar ơi Phạm Minh Chính kiăng dua boh dêh čar pơtrut hloh dong ngă hrŏm gah pơtô hăng pơjuăt, gru grua boh thâo adoh suang, tuai čuă ngui, pơbưp mơnuih ƀôn sang, pơbưp anom bruă kơđi čar - mơnuih mơnam kah hăng čơđai sang hră gưl prong hơđăp, hlăk ai đah mơ̆ng pơđĭ tui tơlơi pơmin kơ rơnuk hlăk ai hăng bơbuă tui tơlơi khăp ƀu-eng mơnuih ƀôn sang dua bơnah.