Amăng mông bưp, Khua dêh čar đăo gơnang hăng čang rơmang, hluai tui tơlơi rô nao rai hiam klă kơplah wah dua bơnah, hơdôm boh than ngă hrŏm hăng pran đăo gơnang, tơpă sit, Samsung amra tŏ tui lĕ sa amăng hơdôm anom bruă ba jơlan hlâo pơtrut ngă hrŏm bơwih ƀong huă kơplah wah dua boh dêh čar hăng lu akŏ bruă phrâo sui thun pơ anăp, tŏ ngă tui boh than dưi ngă amăng bơwih ƀong sĭ mơdrô hăng pok prong amăng tuh pơ alin, anăp nao hơdôm hơnong pơkă phrâo dong amăng thun 2023 hăng hơdôm thun pơ anăp dong.

Khua dêh čar pơsit tong Kơnuk kơna Việt Nam ƀuăn amra tŏ tui gum hrŏm, đing tơngan hmư̆, pơlăi nao rai, hmao tlôn pơsir hĭ tơnap tap, gun găn, hơmâo hơdră lăp djơ̆ hăng tơlơi sit nik, ngă gêh gal brơi hơdôm anom bruă tuh pơ alin mơng tač rơngiao, amăng anun hơmâo Samsung tuh pơ alin bơwih ƀong sĭ mơdrô tŭ yua hăng pơđĭ kyar hơđong kjăp ƀơi Việt Nam hăng tơlơi pơsit “Hơmâo tơlơi dưi brơi bơkơnar, bưp tơlơi lông pơsir hrŏm”.