Ƀơi mông tŭ jum, Khua dêh čar ơi Phạm Minh Chính lăng yom bruă mă sĭ mơdrô ba glăi boh tŭ yua mơ̆ng Keh prăk  anai hăng bơnah ngă hrŏm ƀơi Việt Nam, amăng anun hơmâo lu sang bruă sĭ mơdrô gah kơnuk kơna hăng anom bruă sĭ mơdrô yua mơnuih ƀôn sang ngă pô.

Rơkâo kơ khua mua keh prăk anai ăt tuh pơ alin djru prăk Việt Nam čan, tuh pơ alin brơi Việt Nam lu hloh, prong hloh, mă yua prăk tŭ yua. Khua git gai phun Keh prăk Warburg Pincus lăi pơtong, lu sang bruă sĭ mơdrô mơ̆ng dêh čar Mi lăng kơ Việt Nam jing bơnah ngă hrŏm lăp đăo kơnang hăng hơmâo tơlơi gêh găl prong, sui thun; amra lăi pơthâo, dong yua hăng pơdah thâo lu hơdră pơsir kiăng dua bơnah lêng kơ hơmâo boh tŭ yua rơnoh duh jia kơ dua bơnah Việt Nam hăng Mi; laih dơ̆ng amra jak iâu kơtang hloh hơdôm bơnah gêh găl pơđĭ kyar mơ̆ng Việt Nam; hur har djru hrŏm pơtrut tơlơi ngă giăng mah rô nao rai Việt Nam hăng Mi.