Amăng mông bưp, Khua dêh čar čang rơmang hơdôm khul giang mah mơng Hiroshima tŏ tui pơgôp pơtrut tơlơi rô nao rai ngă hrŏm Việt Nam hăng Japan lăi hrŏm, hăng Hiroshima hnun mơn jai hrơi kjăp phik, tŭ yua, ba glăi lu tơlơi dưi pơgi kơdih anai; iâu pơthưr hơdôm anom bơwih ƀong sĭ mơdrô Hiroshima tuh pơ alin, bơwih ƀong sĭ mơdrô lu ƀiă dong ƀơi Việt Nam; pơtruh pơbưp nao rai mơnuih ƀon sang, pơlir gru grua dua bơnah; djru mơnuih ƀon sang Việt Nam ƀơi kual Tong krah dơnung Japan (giăm 50.000 čô) glăk dŏ hơdip, hrăm hră hăng mă bruă gêh gal, tŏ tui pran gơgrong tô nao rai dua bơnah.

Ơi Akagi Tatsuo, Kơ-iăng Khua khul rơnuk rơnua giang mah Hiroshima-Việt Nam pơsit tong hơdôm khul giang mah amra gir run pok pơhai hơdôm bruă tui jơlan gah, tơlơi git gai mơng Khua dêh čar, tŏ tui pơgôp amăng tơlơi rô nao rai Việt Nam-Japan.