Đĭ pơhiăp amăng mông mă bruă, Khua dêh čar Phạm Minh Chính čang rơmang ngă hrŏm hăng CSIRO kiăng hơmâo “gơnam tong ten” kah dưi pok pơhai dong; đăo gơnang hơdôm boh than mơng dua bơnah glăk kơsem min lĕ klă biă mă, kiăng tŏ tui kơtang ƀiă dong. Khua dêh čar lăi pơthâo pran khăp mơng mơnuih ƀôn sang Australia hăng Việt Nam, sit biă ñu lĕ ƀing rơgơi kơhnâo mơng Australia lêng tơpă sit, đăo gơnang, pơdah pran gơgrong hloh, tơlơi anai pơdah mơng hơtai boh truh pơ hơtai boh, mơng mông pơbưp, mă tơngan ăt pơdah tơlơi hur har, čang rơmang dua bơnah pơđĭ kyar.

Ƀrô tal anai, Khua dêh čar Phạm Minh Chính nao lăng mông pơjao nao rai hră pioh hơdor kơplah wah Khua ding jum boh thâo ia rơgơi hăng tuh tia pơkra ming Huỳnh Thành Đạt hăng Khua CSIRO Doug Hilton.