Khua dêh čar lăi pơtong, hăng tơlơi đing nao, git gai khut khăt mơ̆ng Ping gah, Kơnuk kơna, tơlơi gir run mơ̆ng djop anom bruă ping gah hăng gong gai kơnuk kơna laih anun mơnuih ƀôn sang tơring čar Kiên Giang, plơi prong Phú Quốc, tơlơi pơhing bơwih ƀong huă mơnuih mơnam hơmâo anŏ pơblih pơđĭ kyar kơtang biă mă djop mơta bruă.

Kiăng kơ Phú Quốc dưi pơđĭ kyar hmar hloh, hơđong kjăp, pơ anăp adih, Khua dêh čar git gai, ăt khom ngă tui khuy khăt hloh man pơdong Phú Quốc jing anih anom phun bơwih bơwăng, tuai čuă ngui hiam lăng glai klô ia rơsĭ, anih lăp nao ngui dŏ hơdip mơda, bul pơtâo hmư̆ hing ƀơi jar kmar, pơtruh nao rai hăng lu anih anom bơwih ƀong huă pơprong amăng kual hăng amăng rŏng lŏn tơnah; lăi pơtong anăn păn kơ bruă tuai hyu ngui ƀơi Việt Nam čih pơthâo lơ̆m hră lơkak jar kmar kiăng hmư̆ hing. Phú Quốc khom pơblih tui tơlơi pơmin bruă mă pơđĭ kyar hăng pran jua či ngă, mơnuih mă bruă khom tơbiă mơ̆ng tơlơi pơmin; pran kơtang mơ̆ng anŏ pơblih phrâo, pran jua lĕ tơbiă rai mơ̆ng ană plơi pla, sang bruă sĭ mơdrô.