Tom brơi (12/4), amăng jơnum tal 5 Khul git gai Kơnuk kơna hơdôm ring bruă, akŏ bruă akŏ phun dêh čar, Khua dêh čar ơi Phạm Minh Chính hơmâo jao hơdôm bruă amăng grup akŏ bruă tong ten kiăng djop ding jum, gơnong bruă, gong gai ƀon lan, anom bruă. Sit biă ñu hăng hơdôm grup akŏ bruă glăk man pơkra, amăng anun 3 ring bruă jơlan rơdêh đuăi hmar him lăng pơgiong hăng mă yua amăng lơ 30/4 thun anai (hơmâo jơlan Mai Sơn-Jơlan mrô 45; Dầu Giây-Phan Thiết; Phan Thiết - Vĩnh Hảo), Khua dêh čar rơkâo, Ding jum wai lăng jơlan glông khut khăt git gai hơdôm anom bruă man pơkra ječ ameč, ba nao lu rơdêh, măi mok, mơnuih mă bruă kiăng hmao tlôn ba nao kiăng pơhlôm djơ̆ hrơi mông, pohlôm klă hloh boh thâo, pơhlôm rơnuk rơnua brơi mơnuih mă bruă, wai pơgang anih dŏ hơdip jum dar.

Hăng 14 boh tơring čar, ƀôn prong lĕ anom bruă wai lăng 3 ară jơlan rơdêh đuăi hmar Ngŏ-Yŭ, hăng 2 ară jơlan wer, Khua dêh čar rơkâo pơtrut tañ bruă pok pơhai kiăng man pơkra giong hlâo kơ lơ 30/6/2023. Khua dêh čar ăt rơkâo Ding jum wai lăng jơlan glông gum hrŏm hăng djop ding jum, gơnong bruă, gong gai ječ ameč pơsir hĭ bruă ngă hră pơ-ar hơdôm ring bruă; lăng glăi hơdôm tơlơi hơdjơ̆ nao pơplih yua lŏn ngă hmua, lŏn glai, hơdră bruă hăng hơdôm tơlơi djru kiăng lăi pơthâo Jơnum min apăn bruă Khua pơ ala mơnuih ƀon sang dêh čar sem lăng.