Tơdơi kơ hmư̆ hơdôm tơlơi lăi pơthâo glăi hăng gum pơhiăp, klah čun bruă jơnum, Khua dêh čar ta ơi Phạm Minh Chính lăi rơđah, abih bang rơnoh apui lơtrik mơng hơdôm anih pơkĕ apui lơtrik dêh čar ta amra dưi pơsir djop mrô apui kiăng yua, ƀu kơƀah amăng sui hrơi. Khă hnun hai, bruă pơkĕ apui amra kơƀah ƀơi sa dua bit anih hăng ƀiă hrơi mơng ră anai truh kơ lơ 25/5, yua pơ-iă hang ƀơi lu anih.

Khua dêh čar črâo ba hơdôm jơlan pơsir ƀơi anăp hăng tơlơi rơkâo mơng ră anai truh lơ 25/5, ƀu dưi pioh kơƀah apui lơtrik kơ bruă bơwih ƀong, sĭ mơdrô hăng mă yua. Kiăo tui anun, Grŭp sĭ mơdrô hơdăng bôh pơtâo hăng bôh pơtâo lŏn čruah Việt Nam hăng Phun akha Sang bruă Đông Bắc pơsir djop hơdăng bôh pơtâo brơi kơ hơdôm sang măi pơkĕ apui lơtrik mă yua hơdăng bôh pơtâo amăng dêh čar; mă yua đut hlah mrô apui pơkĕ hăng jua ia; pơphun bơkơtuai tui nua mă yua jăng jai hăng hơdôm rơwang bruă pơkĕ apui hăng jua angin, pơkĕ mơng pơ-iă yang hrơi hmâo ngă giong laih bruă tuh pơplai pơdŏng hăng amra pơkĕ apui mơtăm amăng glông pơkĕ apui dêh čar ta./.