Mông jơnum đing nao bơkơtuai bruă pơđut bruă mă mơ̆ng Jơnum min wai lăng ngăn drăp Kơnuk kơna ƀơi anom bơwih ƀong hăng bruă jao bruă git gai, gơgrong mơ̆ng pô Kơnuk kơna pioh kơ 19 grŭp, phun akha sang bruă; bruă dưm dăp, pơphun bruă mă mơ̆ng Anom bruă jŭ yap. Tơdơi kơ hmư̆ hơdôm tơlơi gum pơhiăp, pơhiăp klah čun, Khua dêh čar ta ơi Phạm Minh Chính brơi thâo, lơm pơđĭ kyar, gong gai dêh čar hmâo mă yua laih hơdôm hơdră phara amăng wai lăng anom bơwih ƀong Kơnuk kơna, wai lăng ngăn drăp Kơnuk kơna ƀơi anom bơwih ƀong lăp djơ̆ hăng rim tal.

Tui hăng Khua dêh čar, thun 2025, đơ đam dêh čar hrưn đĭ pơđĭ kyar bơwih ƀong hmâo ƀiă biă mă ñu 8%, pơjing anô̆ gơgrong kơ rơnuk pơđĭ kyar 2 mrô tô̆ tui. Yua anun hơdôm ding jum, gơnong bruă, tơring čar, ƀôn prong, anom bruă, anom bơwih ƀong khom đĭ kyar ƀiă biă mă ñu 8%; bruă dưm dăp hơdră, pơphun bruă mơ̆ng hơdôm grŭp bơwih ƀong, phun akha sang bruă Kơnuk kơna khom hluai tui pran jua “Lăng bôh tŭ yua lŏn ia djuai ania blung a, blung hlâo” pioh ngăn rơnoh Kơnuk kơna dưi wai lăng klă hloh hăng pơđĭ kyar klă hloh, djru brơi kơ pơđĭ kyar lŏn ia amăng rơnuk phrâo./.