Pơkă hlâo lơ 25/3, tal hơdor glăi 93 thun Hrơi pơdŏng Khul hlăk ai Cộng sản Hồ Chí Minh (26/3/1931-26/3/2024), Khua dêh čar ta ơi Phạm Minh Chính amra bưp ƀô̆ mơta hăng pơtom hiăp hăng hlăk ai hmâo anăn ñu: “Ngă tui bruă ba jơlan hlâo mơ̆ng hlăk ai amăng bruă pơplih mrô lŏn ia".

Dưi pơphun hăng hơdră ƀơi anăp, Jơlan hơdră Khua dêh čar bưp ƀô̆ mơta hăng bơkơtuai hăng hlăk ai thun 2024 pioh ngă tui Tơlơi phiăn hlăk ai thun 2020; hrŏm hăng anun lăi pơhing, lăi pơthâo hyu djop truh hlăk ai hơdôm hơdră pơtrun, hơdră bruă mơ̆ng Kơnuk kơna kơ pơplih mrô lŏn ia; ngă tui bruă mă, bruă jao mơ̆ng hlăk ai amăng bruă pơplih mrô lŏn ia. Ƀrô djơ̆ tal anai, Khua dêh čar ta ăt amra bưp mơn ƀô̆ mơta, bơni 10 čô mơnuih hlăk ai Việt Nam mơbruă hăng 10 čô mơnuih hlăk ai Việt Nam hmâo tơlơi čang rơmang thun 2023./.