Rơwang bruă anai hmâo abih bang rơwang ataih 519 km, hăng abih bang rơnoh prăk mă yua rơbêh kơ 22.350 klai prăk. Lăi lĕ, rơwang bruă Jơlan hrĕ apui 500kV glông 3 črăn mơ̆ng Quảng Trạch nao pơ̆ Phố Nối yôm phăn biă, rơnoh pok pơhai rơwang bruă phun djơ̆ tui tơlơi rơkâo, samơ̆ mrô bruă dô̆ lu biă, kiăng ngă giong hơdôm rơwang bruă phun djơ̆ tui tơlơi rơkâo, samơ̆ mrô bruă dô̆ lu, kiăng ngă giong hơdôm rơwang bruă tui kơčăo bruă, Khua dêh čar ta, ơi Phạm Minh Chính rơkâo hơdôm ding jum, gơnong bruă, tơring čar, ƀôn prong gum hrŏm dong, pel ĕp glăi hơdôm tơlơi bơdjơ̆ nao; hmao pơsir hơdôm tơlơi gun tui pô dưi, pơhlôm hmao tlôn rơnoh, anô̆ klă hăng pơhlôm mơnuih mă bruă, biă ñu pơhlôm kơ mơnuih mă bruă ƀơi hơdôm anih anom tơnap nao rai, glêh glar hăng djơ̆ amăng hơdôm hrơi ayuh hyiăng ƀu gal.

Khua dêh čar ta lăi rơđah, hơdôm bôh ƀirô, tơring čar, ƀôn prong, anom bruă gum hrŏm kơjăp tơdruă hăng mơnuih ƀôn sang, anom bơwih ƀong yua kơ bôh tơhnal pơkă hrŏm, bĕ ngă gun, ƀu klă, hưp ƀong kông ngăn lơm pok pơhai rơwang bruă, hluai tui pran jua “hmư̆ lăng, lăi pơthâo, ngă bruă”, “Gum ngă hrŏm, truh kih hrŏm hăng čơkă tŭ hrŏm”./.