Pơ ala kơ Ping gah, Kơnuk kơna, Khua dêh čar hơ-ưč hmưi ƀing čơđai sang hră amra hmâo sa tal pơdơi prong mơ-ak mơ-ai, pơhlôm klă hăng hyuk hyuan ƀơi sang anô̆, gŏp djuai hăng gơyut gơyâo. Khua dêh čar ta brơi thâo, hơdôm thun rơgao, Ping gah, Kơnuk kơna ta đing nao phara biă bruă pơgang, bơwih brơi čơđai muai, ngă gal brơi klă hloh pioh čơđai dưi brô̆ prong abih bang, hmâo anih anom hơdip pơhlôm klă, tâ̆o yâo; pơpŭ, hmư̆ lăng, pel ĕp, lăi glăi tơlơi gum pơhiăp, tơlơi čang rơmang mơ̆ng ƀing čơđai muai; ƀu kah akô̆ hăng pơhlôm bôh tŭ yua klă hloh mơ̆ng čơđai amăng hơdôm tơlơi pơsit bơdjơ̆ nao; lăng anai lĕ tơlơi hmâo tơhnal dưi ngă, sui thun.

Hơdôm gưl, hơdôm gơnong bruă, hơdôm anih anom, hơdôm khul grŭp mơnuih mơnam, abih bang khul hăng mơnuih ƀôn sang đing nao, tuh pơplai, bơwih brơi kơ bruă pơtô pơhrăm, pơgang, bơwih brơi tơlơi suaih pral čơđai muai, biă ñu hăng čơđai ƀun rin, čơđai hmâo tơlơi hơdip tơnap tap, čơđai ƀu klă drơi jăn, čơđai muai drit druai./.