Tơdơi kơ kơ hmư̆ hơdôm tơlơi gum pơhiăp, pơhiăp klah čun mông jơnum Khua dêh čar ơi Phạm Minh Chính lăi rơđah, bruă pok pơhai hơdôm rơwang bruă phun bruă jơlan nao rai dŭ pơgiăng djru kơ pơđĭ kyar mơ̆ng đơ đam dêh čar yua anun khom đing nao pel ĕp črâo ba laih anun pioh pơđĭ tui hăng pơsir brơi rah tơlơi bơwih ƀong huă, bruă mă kơ mơnuih ƀôn sang, djru pơsir prăk tuh pơplai bruă hrŏm, pơđĭ glông nua lŏn, pơjing anih anom pơđĭ kyar ƀơi hơdôm bôh plơi pla. Khua dêh čar rơkâo hơdôm anih anom, biă ñu ƀôn prong Hồ Chí Minh hăng hơdôm bôh tơring čar Bình Dương, Đồng Nai, Long An gum hrŏm hăng Ding jum prăk kak pioh pơtrut tañ bruă pơsit lăi pơthâo glăi kơsem min phun bruă amra ngă tui rơwang bruă guai 4 ƀôn prong Hồ Chí Minh; Tơring čar Bình Phước, Dak Nông pơtrut tañ rơnoh bruă pơjing hăng pơsit lăi pơthâo glăi kơsem min phun ngă tui rơwang bruă Gia Nghĩa - Chơn Thành pioh pơphun man pơkra amăng tal lơ 30/4/2025...

Hơdôm pô tuh pơplai pel ĕp glăi ngăn rơnoh pioh lăi pơthâo glăi hmao tlôn mă yua ngăn rơnoh, hơdôm rơwang bruă pok pơhai amăng thun 2025 Ding jum prăk kak khom pơpha djop ngăn rơnoh kơ hơdôm rơwang bruă./.