Amăng rơwang mơ̆ng thun 2021 truh abih thun 2023 đơ đam dêh čar hmâo 499 rơwang bruă sang dô̆ mơnuih mơnam dưi pok pơhai hăng rơwang 411.250 bôh sang dô̆. Gah kual pơkă, pơpha lŏn pơđĭ kyar sang dô̆ mơnuih mơnam, đơ đam dêh čar ră anai hmâo pơkă 1.316 kual lŏn hăng rơwang 8.611 ektar pơkra sang dô̆ mơnuih mơnam, đĭ 5.252 ektar bơhmu hăng thun 2020.

Klah čun mông jơnum, Khua dêh čar ta ơi Phạm Minh Chính pơtŏng sit pơđĭ kyar sang dô̆ mơnuih mơnam, sang dô̆ kơ mơnuih mă bruă gah sang măi lĕ bôh yôm mơ̆ng hơdôm hơdră bruă pơđĭ kyar bơwih ƀong – mơnuih mơnam. Pơđĭ kyar sang dô̆, amăng anun hmâo sang dô̆ mơnuih mơnam kơ mơnuih hmâo prăk pơhrui glăi ƀiă, mơnuih mă bruă ƀơi sang măi lĕ bruă gơgrong mơ̆ng Kơnuk kơna, mơ̆ng mơnuih mơnam hăng mơ̆ng mơnuih ƀôn sang. Khua dêh čar rơkâo, Ding jum kông ang, Ding jum khul ling tơhan hrưn đĭ amăng thun 2024, rim Ding jum ngă tui 5 rơbâo bôh sang dô̆ mơnuih mơnam; Khul pơlir hơbit mut phung dêh čar Việt Nam hrưn đĭ amăng thun 2024 pơdŏng 2 rơbâo bôh sang dô̆ mơnuih mơnam./.