Amăng mông jơnum, ƀing khua pơ ala hmâo bơkơtuai laih hăng gum hrŏm pel ĕp hơdôm bruă mă, bruă jao đing nao hlâo pơsit pơkă anăp nao, jơlan pơsir, pok pơhai ba glăi bôh tơhnal kual pơkă kual Ngŏ Dơnung dêh čar hăng tơhnal ba tơbiă ngă brơi bruă bơwih ƀong mơnuih mơnam kual Ngŏ Dơnung dêh čar pơđĭ kyar tañ dong, abih bang, anô̆ kơjăp hăng anô̆ klă ñu.

Tơdơi kơ hmư̆ hơdôm tơlơi gum pơhiăp, klah čun amăng mông jơnum, Khua dêh čar ta ơi Phạm Minh Chính lăi rơđah, bruă ngă giong pơsit kual pơkă Ngŏ Dơnung dêh čar amăng hơdôm hrơi anai yôm phăn biă pioh: Pơplih phrâo tơhnal lăng, tơlơi pơmin, tơhnal ba tơbiă amăng Tơlơi pơtrun pơsit pơđĭ kyar kual hăng pơkă kual gưl lŏn ia amăng kual; Pơplih phrâo bruă pơpha anih anom pơđĭ kyar hơdôm gơnong bruă lŏn ia amăng kual; Pok pơhai hơdôm rơwang bruă hmâo tơhnal tô nao rai yôm phăn kơplah wah hơdôm bôh tơring čar amăng kual, pơlir kual hăng pơlir gơnong bruă; Pơtrut tañ ngă tui hơdôm tơlơi pơplih bruă mă pioh ngă tui đut hlah anô̆ gal bơhmu nao rai kơ anih anom bơwih ƀong mơ̆ng kual, pơtrut pơđĭ kyar bơwih ƀong mơnuih mơnam mơ̆ng kual hăng kual hăng kual jum dar./.