Pơhiăp klah čun amăng mông mă bruă, Khua dêh čar ta ơi Phạm Minh Chính pơsit yôm bôh yôm lăi pơthâo glăi pơhlôm djop mơ̆ng tơring čar hăng hơdôm tơlơi gum pơhiăp tơpă ară, pơsit pran jua, bruă gơgrong, djơ̆ hăng bôh nik mơ̆ng khua git gai hơdôm ding jum, gơnong bruă. Khua dêh čar rơkâo Tiền Giang khom kiăo tui jơlan gah, hơdră bruă mơ̆ng Ping gah, tơlơi phiăn mơ̆ng Kơnuk kơna, pok pơhai ba glăi bôh tơhnal hơdôm tơlơi pơkă, pơtrut kơtang ngă tui tlâo pơplih phrâo bruă ngă giong truh kih hơdôm tơhnal pơkă pơđĭ kyar bơwih ƀong mơnuih mơnam mơ̆ng tơring čar.

Khua dêh čar črâo rơđah bruă jao, jơlan pơsir phun pơ̆ anăp anai amăng anun lăi rơđah, tơring čar mă yua tañ kơčăo bruă, pơphun pok pơhai ha amăng plĕ, khut khăt, ba glăi bôh tơhnal kual pơkă tơring čar Tiền Giang rơwang 2021-2030, tơhnal lăng nao truh thun 2050; pơphun lăi pơthâo, lăi pơhing hyu dơlăm prong truh hơdôm gưl mơnuih ƀôn sang amăng tơring čar, pơjing tơlơi djơ̆ hrŏm amăng pok pơhai./.