Pơhiăp amăng mông jơnum, Khua dêh čar ta, ơi Phạm Minh Chính pơtŏng sit, anai lĕ tơlơi gum pơhiăp yôm phăn, pơkĕ hrŏm lăi pơthâo pơkă kual hăng pơtrut yua prăk pơkă kual mơ̆ng tơring čar; pơdah tơhnal lăng bruă mă, hơdră ngă hmâo akô̆ tlôn, djơ̆ hăng tơlơi đing nao pha ra mơ̆ng hơdôm bôh anom bơwih ƀong, pô yua prăk bơwih ƀong hăng hơdôm tơlơi gum pơhiăp tơpă sit, dơlăm, djơ̆ tui tơlơi kiăng sit mơ̆ng hơdôm bôh anom bơwih ƀong, pô gơgrong tuh pơplai.

Gah pơkă kual tơring čar Lạng Sơn 2021-2030, tơhnal lăng truh thun 2050 Khua dêh čar pơsit, pơkă kual dưi prăp lui lu mơta, hmâo akô̆ tlôn, djơ̆; pơdŏng hluai tui anô̆ gal phara ha jăn, tơhnal ƀuh rơđah, anô̆ gal bơkơtưn, ăt kah hăng hơkrŭ pơsir tơlơi dô̆ glăi, akă dưi ngă mơ̆ng tơring čar. Pơkă kual hmâo ba tơbiă laih tơlơi pơmin, tơhnal lăng, tơhnal pơđĭ kyar phun, pơplih pơđĭ kyar; jơlan gah pơđĭ kyar, jơlan pơsir, hơdră bruă gum djru, ngăn rơnoh ngă tui bruă pơkă kual pơ̆ anăp anai./.