Tui hăng tơlơi lăi pơthâo glăi, thun 2024, bruă pơtom hiăp hmâo laih lu bôh tơhnal yôm phăn ƀuh rơđah, djru djă kơjăp tơlơi rơnuk rơnua, hơđong hăng gum hrŏm kơ pơđĭ kyar; Hơkrŭ đĭ dong ƀô̆ mơta bruă pơtom hiăp gêh gal, ngă brơi tơlơi rô nao rai hăng hơdôm bơnah nao dơlăm, sit nik, ba glăi bôh tơhnal.

Khua dêh čar ơi Phạm Minh Chính djă pioh, bơni hăng hơ-ưč hmưi Ding jum pơtom hiăp hăng hơdôm bôh Ƀirô pơ ala kơ Việt Nam pơ̆ dêh čar tač rơngiao hmâo gum hrŏm kơjăp hăng hơdôm ding jum, gơnong bruă, tơring čar, ƀôn prong, anom bơwih ƀong pok pơhai klă, hmao tlôn, ba glăi bôh tơhnal hơdôm bruă pơtom hiăp, djru truh kih hrŏm mơ̆ng đơ đam dêh čar thun 2024. Khua dêh čar rơkâo gơnong bruă pơtom hiăp kơtưn gum hrŏm dong, pok pơhai ha amăng plĕ, pơčeh phrâo, ba glăi bôh tơhnal hơdôm bruă pơtom hiăp Ping gah, bruă pơtom hiăp Kơnuk kơna hăng bơkơtuai Mơnuih ƀôn sang, pơtom hiăp mơ̆ng hơdôm gưl; pơjing bruă pơtom hiăp rơnuk anai hăng juăt bruă; pơjing Ping gah klă, kơjăp; pơđĭ dlông bôh thâo git gai hăng pran hrưn đĭ mơ̆ng hơdôm khul ping gah, mơnuih ping gah amăng bruă pơtom hiăp./.