Ƀrô̆ djơ̆ tal nao pơhmư̆ Jơnum gưl dlông Grŭp hơdôm bôh dêh čar đĭ kyar bruă măi mok (G7) pok prong hăng mă bruă ƀơi dêh čar Japan, čơtlăm lơ 19/5, ƀơi Hiroshima, Khua dêh čar ta ơi Phạm Minh Chính hmâo nao pơhmư̆ mông ngă lơphet lăi pơthâo jơlan por tơpă blung a kơplah wah Việt Nam hăng Hiroshima hăng jing jơlan por tal 8 tô nao rai dua bôh dêh čar mơng Anom wai lăng bruă rơdêh por Vietjet. Jơlan por Hà Nội – Hiroshima pơphun djru bruă nao rai mơng tuai mơng lơ 19/7/2023 hăng 2 tal por pơwot glăi rim rơwang hrơi tơjuh amăng hơdôm hrơi 3 hăng hrơi tơjuh.

Tui anun, Vietjet ră anai hmâo hơdôm jơlan por tơpă mơng Hà Nội, ƀôn prong Hồ Chí Minh truh Tokyo, Osaka, Nagoya, Fukuoka hăng lu tal por nao pơ̆ Niigata, Fukushima. Kiăo tui anun, Vietjet pơđĭ tui hơdôm tal por Việt Nam – Japan đĭ truh 58 tal por pơwot glăi sa rơwang hrơi tơjuh. Hăng hơdôm jơlan por tơpă phrâo mơng Vietjet, čang rơmang bruă gum hrom kơplah wah Hiroshima hăng Việt Nam amra klă hloh amăng lu bruă, amăng anun bruă bơwih ƀong sĭ mơdrô hăng tuai čuă ngui./.