Amăng tơlơi giăng mah, đăo gơnang nao rai hăng hmơhač, dua gơñu hmâo tŭ ư lăi lĕ, tơlơi giăng mah mơng hlâo Việt Nam hăng Khač yua kơ Khua mir sir Hồ Chí Minh, Khua mir sir Mao Trạch Đông hăng hơdôm rơnuk git gai mơng dua bôh dêh čar pô pơdŏng hăng gir run ngă kơjăp kông ngăn yôm phăn mơng dua Ping gah, dua bôh dêh čar, ƀu pơdơi tŭ mă, pơgang hăng ngă tui; lăi rơđah tơhnal yôm phăn mơng bruă rô nao rai dua bơnah pơđĭ kyar mơng rim bôh dêh čar ăt kah hăng tơlơi rơnuk rơnua, hơđong, gum hrom, pơđĭ kyar mơng kual hăng jar kơmar.

Gah jơlan glông pơtrut gum hrom pơ̆ anăp, dua gơñu tŭ ư amra kơtưn lăi pơthâo nao rai, gum hrom gir run pơtrut tơlơi rô nao rai dua bơnah yak mut rơwang pơđĭ kyar phrâo, biă ñu pơtrut hơdôm bruă gum hrom, biă ñu gum hrom bơwih ƀong, sĭ mơdrô nao dơlăm, ba glăi bôh tơhnal, kơjăp phik; djă pioh hơdră gum hrom giăng mah kơplah wah Ding jum khul ling tơhan, Ding jum Kông ang dua bôh dêh čar, gum hrom pơdŏng guai lŏn ia dua bơnah jing jơlan guai rơnuk rơnua, hơđong, gum hrom hăng pơđĭ kyar./.