Mông jơnum đing nao bơkơtuai kơ tơlơi bơwih ƀong mơnuih mơnam blan 2, 2 blan akô̆ thun; 3 Jơlan hơdră pơkă mơ̆ng lŏn ia, pơsir prăk mă yua bruă hrŏm; hơdôm phun than črâo ba amăng blan 3 hăng pơ̆ anăp anai.

Khua dêh čar ta ăt rơkâo pơsit mơn kơ bruă bơwih ƀong prong, hơdôm tơlơi bơdjơ̆ nao nua gơnam tam, đĭ kyar, tơlơi prong pơkon, biă ñu pơhlôm hơdôm anô̆ ngă dưm kơnar prong; pơsit tơlơi anih anom mơnuih mă bruă tơdơi kơ Tết; tơlơi bơdjơ̆ nao hơđong tơlơi hơdip mơda mơnuih mơnam, hơđong bruă kơđi čar, hơđong pơhlôm mơnuih mơnam, bơdjơ̆ nao guai dêh čar, bul ia rơsĭ, tơlơi bơdjơ̆ nao pơgang, pơgăn hưp ƀong kông ngan, tơlơi ngă soh; tơlơi pơdŏng hơdôm khul ping gah, glông bruă gong gai... Khua dêh čar ta lăi rơđah, blan 3 anai, kiăng hmâo jơlan đing nao pioh kơtưn đĭ kyar , djru kơ 3 blan akô̆ thun, ha mơkrah akô̆ thun 2024, sa thun 2024, ngă truh kih bruă jao sa thun 2024 hăng wot rơwang 5 thun, hmâo tơhnal ƀơi anăp rah hăng sui thun rah./.