Khua dêh čar ta tŭ jum Khua Anom Pơđĭ kyar mơtah đơ đam rŏng lŏn tơnah
Thứ sáu, 06:00, 18/04/2025
VOV/Siu H' Prăk pơblang
VOV/Siu H' Prăk pơblang
VOV4.Jarai - Mơguah lơ 17/4, gah rơngiao Jơnum gưl dlông bruă Bơkơtuai gum hrŏm yua kơ đĭ kyar mơtah hăng Tơhnal pơkă đơ đam rŏng lŏn tơnah 2030 tal 4, Khua dêh čar ta ơi Phạm Minh Chính tŭ jum ơi Sang-Hyup Kim, Khua Anom Pơđĭ kyar mơtah đơ đam rŏng lŏn tơnah (GGGI).
Khua dêh čar pơsit yôm bruă mă mơ̆ng GGGI amăng pơtrut bruă đĭ kyar mơtah hăng ngă bruă pioh ayuh hyiăng đơ đam rŏng lŏn tơnah. Rơwang 2017-2024, Anom hmâo djru bôh thâo măi mok kơ 15 bôh ƀirô Việt Nam amăng hơdôm bruă apui yua pơkra glăi, bruă đang hmua ngă juăt hăng pơplih ayuh hyiăng...
Khua dêh čar bơni kơ Anom Pơđĭ kyar mơtah đơ đam rŏng lŏn tơnah hmâo ƀuh ƀô̆ ƀơi Việt Nam amăng 10 thun rơgao, hăng tơlơi pơkôl tuh pơplai 1 klai dolar Mi pơ̆ anăp anai. Khua GGGI Sang-Hyup Kim pơtŏng sit čang rơmang pok prong gum hrŏm hăng Việt Nam, pơtrut mă yua hră pioh kơ bruă ngă hơdjă hăng rơkâo tañ kĭ pơkôl gum hrŏm phrâo, kơtưn djru ngăn rơnoh kơ anom bruă GGGI ƀơi Việt Nam./.
Viết bình luận