Ƀơi mông mă bruă, Khua dêh čar lăi pơtong, Việt Nam lăng dêh čar Mi sa bơnah ngă hrom yôm mrô sa, bơni kơ dêh čar Mi dong yua Việt Nam lu mơta, tơlơi rơngai hăng pơđĭ kyar. Việt Nam čang rơmang kiăng pơtrut bruă ngă giăng mah hlom bom Việt Nam hăng Mi jai hrơi tŭ yua, hơđong, dơlăm hloh tui hluai tơlơi pơpŭ  ngă khua pô, rơngai hơjăn lŏn ia tơdruă laih anun pơpŭ jơlan hơdră bruă kơđi čar hnun mơ̆n.

Khua dêh čar lăi, Việt Nam amra blơi gơnam măi mok, gơnam yua rơgơi kơhnâo pioh mă bruă mơ̆ng dêh čar ba rai sĭ mơdrô, kiăng ngă bơkơnar hnong sĭ mơdrô dua bơnah Việt Nam-Mi. Khua dêh čar đăo kơnang, Khul sĭ mơdrô Mi hăng ASEAN amra djru hrom yôm amăng bruă mă ngă hrom sĭ mơdrô kiăng dua bơnah ba glăi boh tŭ yua lu hloh pơsir bruă mă kơ mơnuih ƀôn sang dua bơnah, kiăng hơđong, rơnuk rơnua, ngă hrom hăng pơđĭ kyar amăng kual laih anun rŏng lŏn tơnah.