Amăng mông bưp, Khua dêh čar Han Duck Soo lăng yôm tơlơi rô nao rai ngă hrŏm sui thun djop mơta kơplah wah dua bơnah, amăng anun ba rơnoh pơđĭ kyar sĭ mơdrô dua bơnah jai hrơi pơđĭ kyar. Amăng thun 2022, hơmâo laih rơbêh 700 rơbâo čô mơnuih Hàn Quốc rai čuă ngui pơ Việt Nam hăng ră anai mơnuih ƀon sang Hàn Quốc glăk bơwih ƀong sĭ mơdrô ƀơi Việt Nam jai hrơi lu tui.

Khua ding jum ơi Tô Lâm pơpŭ bơni kơ Khua dêh čar Han Duck Soo hơmâo pioh mông čơkă khua mua Việt Nam, pơsit tong, Việt Nam lêng kơ lăng Hàn Quốc lĕ dêh čar ngă hrŏm prong hloh amăng bơwih ƀong, kơđi čar, pơtom hiăp, pơhlôm rơnuk rơnua….amăng anun ngă hrŏm bruă ling tơhan lĕ akŏ phun amăng tơlơi rô nao rai dua bơnah; lăi pơtong, Việt Nam dong yua bruă pơhlôm rơnuk rơnua, hơđong amăng kual hăng jar kmar, amăng anun hơmâo ƀơi bul pơtâo Triều Tiên.