Tui tơlơi lăi pơthâo glăi, tơring čar Gia Lai dô̆ bưp lu tơlơi tơnap yua kơ akă mă yua Tơlơi pơsit pơkă rơđah tơlơi kah lŏn, tơlơi pơhrua hrŏm lŏn tui rim djuai lŏn hăng kual lŏn ƀiă biă mă ñu dưi kah lŏn hăng rim djuai lŏn; Akă hmâo pơtô brơi rơđah bruă ngă tui pơplih bôh than mă yua lŏn hơdai nao mă yua kơ bôh than pơkon. Tơring čar Gia Lai ba tơbiă Gong gai dêh čar, Grŭp git gai Ping gah pơsir tơlơi mơnuih ƀôn sang rô̆ mă lŏn đang kyâu sui hăng anai.

Ba tơbiă pơplih pơkra hơdră bruă tơlơi phiăn kơ glai kyâo, lŏn drŏn ngă tui bruă jao lŏn glai kyâo akă hmâo glai pioh pơlar glai, pla kyâo. Pơhiăp klah čun amăng mông mă bruă, Khua Ding jum kông ngăn glai klô hăng rơhuông adai lŏn mơnai dêh čar ta Đặng Quốc Khánh rơkâo, pơ̆ anăp anai, Gia Lai khom đing nao truh bruă wai lăng lŏn drŏn, pơsir bruă mă yua lŏn pơhlôm tui djơ̆ glông pơkă hăng tơlơi pơkă amăng tơlơi phiăn. Pok pơhai ngă tui dong bruă kač rup kak lŏn drŏn, hră pơ-ar gah lŏn drŏn dưm amăng măi ba glăi bôh tơhnal./.