Ƀơi mông tŭ jum, ơi Bùi Thanh Sơn lăi, Việt Nam lăng yôm na nao bruă ngă giăng mah hăng dêh čar ieo gah jĕ giăm, bơnah ngă hrom yôm phara hăng dêh čar Khač, pơtong rơđah anai lĕ bruă mă đing nao hlâo hloh amăng abih bang jơlan hơdră pơtom hiăp rơngai, ngă pô, ngă hrom lu bơnah, lu mơta bruă mơ̆ng Việt Nam; bơni kơ tơring čar Quảng Tây hơmâo djru hrom prong amăng bruă pơbŭ tui bruă ngă giăng mah kơplah wah dua bơnah dêh čar, djru lu gơnam yua, bruă ia jrao pơhlôm pơgang klin Covid 19 kơ Việt Nam.

Khua ding jum ơi Bùi Thanh Sơn rơkâo dua bơnah kơtưn brơi khua mua dua bơnah čuă jơmư nao rai djop gưl anom bruă, pơđĭ tui boh tŭ yua ngă tui tơlơi phiăn, hră pơkôl pơkă, hơdră pơblih nao rai, ngă hrom ră anai, pok pơhư prong bruă giăng mah gơyut gơyâo tong ten mơnuih ƀôn sang ƀơi guai dêh čar.