Amăng sa blan, Kông ang hơdôm bôh anom, plơi pla hmâo pel ĕp, hơduah tơña rơbêh kơ 3 rơbâo mơta tơlơi ngă soh gah hơđong mơnuih mơnam, mă pơkŏng rơbêh kơ 6 rơbâo 300 čô mơnuih. Hmâo črâo ba thâo ƀuh rơbêh kơ 2 rơbâo mơta tơlơi, 3 rơbâo 469 čô mơnuih ngă soh gah hot jrao, mă pơkŏng rơbêh kơ 67 kg heroin, rơbêh kơ 217 kg hăng rơbêh kơ 89 rơbâo asar hot jrao luk lu mơta.

Pơhiăp klah čun Jơnum, Khua Ding jum Tô Lâm rơkâo, Kông ang hơdôm bôh anom, plơi pla khom ngă klă bruă pơgang rơnuk rơnua lŏn ia, gơgrong hlâo lăng tui tơlơi ƀơi rŏng lŏn tơnah, amăng kual kiăng hmao pơphô brơi Ping gah, Kơnuk kơna hơdôm hơdră pơtrun, hơdră bruă lăp djơ̆. Pơhlôm klă bruă pơgang rơnuk rơnua amăng lŏn ia, hơđong bơwih ƀong, hơđong plăng internet, rơnuk rơnua bruă kơđi čar, mut tơbiă amăng dêh čar... Pơtrut kơtang rơnoh pel ĕp hơdôm kơđi tơlơi gah Grŭp črâo ba pơgang, pơgăn hưp ƀong kông ngăn hơdôm tơlơi ngă soh lăng tui, črâo ba mơng dêh čar ta. Gơgrong hlâo pok pơhai hơdôm bruă pơgang hlôm hlâo, kơdŏng glăi hăng ƀing ngă soh hình sự ƀuh rơđah, biă ñu ƀing ngă soh ƀơi glông jơlan, ƀing brơi čan prăk mă kơmlai lu, ƀing ngă soh gah plăng internet; đing nao kơdŏng glăi ba glăi bôh tơhnal hăng ƀing ngă soh gah hot jrao...