Bơni kơ boh tơhnal pơgôp prong mơ̆ng Khul mơnuih rơgơi kơhnâo nai th prin amăng bruă pơtô djơ̆ gơnong dlông rơwang bruă thun 2021-2026, boh nik ñu pơƀut glăi bruă mă 40 thun pơblih phrâo lŏn ia, čih pơkra hră pơtrun tal XIV mơ̆ng Ping gah, Khua git gai ping gah, khua mir sir ơi Tô Lâm lăi pơtong, khul hơmâo pơblih phrâo amăng bruă mă, kiăo tui djơ̆ bruă mă amăng kơđi čar, pơphun bruă mă pơprong, tơlơi tơnap tap hloh, ječ ameč, kiăng bơwih brơi hmao kru Khul apăn bruă ping gah dêh čar, Ding jum kơđi čar, Khul git gai ping gah dêh čar.

Lăi pơtong, brụă mă čih tơlơi pơtô djơ̆, bruă man pơphô jơlan hơdră dêh čar pơtrun jing sa bruă yom pơphăn tloh noh amăng bruă hơkrŭ kơ lŏn ia, ơi Tô Lâm, khua git gai ping gah, khua mir sir rơkâo, Khul kơsem min čih pơkra tơlơi pơtô djơ̆ kiăng pơmin tong ten, kơsem dơlăm hloh kơ jơlan hơdră chủ nghĩa xã hội, hơbô̆ bruă hăng jơlan rơbat nao pơ anăp, kiăo tui chủ nghiã xã hội, mơnuih mơnam ngă khua pô ƀơi Việt Nam, lơ̆m rơnuk hlăk hơmâo lu tơlơi pơblih kơtang ră anai. Khom prăp lui hlâo, hmar, tañ, beč bal hloh ĕp bruă phun aliăng, nao tơpă, pơsir hĭ anŏ kơđông, tơhnal akă kôl, tơlơi pơdjơ̆ nao rai phrâo lơ̆m pơđĭ kyar, mơ̆ng anun, kiăng lăi pơthâo tañ, tŭ yua čih ba pơmut amăng hră pơtrun ping gah. Ƀrô tal anai, Khua git gai ping gah, khua mir sir ơi Tô Lâm ăt rơkâo, djop anom bruă, khul grup, anom bruă, ding jum, truh pơ tơring čar khom đing nao, ngă gêh găl brơi Khul pơtô djơ̆ dêh čar ngă giong bruă jao, lăng kơ bruă pơƀut glăi djop mơta bruă ngă hơmâo sit nik, lăi pơthâo brơi tơlơi pơhing, hơdai gum hrŏm kơsem min lăng čih pơkra tơlơi pơtô djơ̆, jing bruă ngă glăm ba amăng kơđi čar, djru čih pơkra hră pơtrun tơlơi pơtô djơ̆ bruă hơkrŭ Việt Nam rơnuk phrâo, djă kơjăp gru grua djuai ania amăng rơnuk rơbâo thun pơđĭ kyar phrâo.