Jơnum tal 14 lĕ jơnum yôm phăn kiăng anăp nao pơgi kơdih, pơtrut pơsur amăng Ping gah, abih bang mơnuih ƀôn sang, ling tơhan tŏ tui pơtrut kơtang amăng djop mơta, ha amăng plĕ pơplih phrâo, ba lŏn ia pơđĭ kyar tañ hăng hơđong kjăp yua hơnong pơkă mơnuih ƀôn sang pơdrong asah, lŏn ia kơtang, ngă pô, bơkơnar, hiam klă, kjăp yak tui jơlan xã hội chủ nghĩa.

Yua anun yơh kiăng prap lui ruah mơnuih apăn bruă amăng jơnum Ping gah tal 14, bruă akŏ phun lĕ kiăng pơsit tong djơ̆ tơlơi rơkâo amăng pơjing Khul apăn bruă Ping gah mơ̆ akŏ phun lĕ Ding jum kơđi čar, Khul čih pioh, Khua mua pơprong amăng Ping gah, ƀing khua mua nao jơnum lăi pơtong, bruă prap lui ruah mơnuih apăn bruă amăng jơnum Ping gah tal 14 ƀu djơ̆ kơnong bruă jao mơng Khul ruah mơnuih apăn bruă, mơng ding jum kơđi čar, Khul čih pioh, mơng djop gưl, mơng khul apăn bruă Ping gah đôč ôh mơn wŏt mơng djop anih anom kơđi čar, khul grup Ping gah, hơdôm anom bruă hăng ƀon lan. Hăng pran gơgrong anun kiăng ngă klă amăng bruă ruah mơnuih apăn bruă mơng jơnum Ping gah djop gưl kiăng pơgôp prap lui klă mơnuih apăn bruă amăng Jơnum Ping gah tal 14, pơgôp ngă truh kih mơng Jơnum Ping gah đơ đam dêh čar tal 14, him lăng amra pơphun amăng rơwang tal 1 thun 2026.