Amăng mông pơhiăp nao rai, Khua git gai Ping gah dêh čar ơi Nguyễn Phú Trọng hok mơ-ak pơpŭ kơ Khua mir sir ơi Putin lơm hơmâo mơnuih ƀôn sang Nga dong yua ruah tŏ tui ngă Khua mir sir dêh čar Nga rơwang thun 2024-2030 hăng mrô hră plĕ lu hloh dong mơng hlâo anun ƀơi dêh čar Nga, pơdah tơlơi đăo gơnang hăng dong yua prong mơng mơnuih ƀôn sang dêh čar Nga hăng Khua mir sir ơi Putin amăng bruă git gai dêh čar Nga pơđĭ kyar amăng rơwang phrâo.

Khua mir sir ơi Putin pơsit tong Việt Nam ăt gơyut gơyâo, dêh čar ngă gŏp đăo gơnang hăng dêh čar Nga. Khua mir sir ơi Putin pơdah tơlơi hok mơ-ak yua kơ tơlơi yak nao pơđĭ kyar prong amăng tơlơi rô nao rai dua bơnah amăng djop mơta bruă. Dua čô khua hơmâo pơlăi nao rai hăng tŭ ư sa, dua jơlan gah pơprong kiăng pơtrut ngă hrŏm dua bơnah pơ anăp anai amăng bruă ling tơhan-pơgang rơnuk rơnua, bơwih ƀong-sĭ mơdrô, gru grua, tuai čuă ngui.