Khua git gai Ping gah dêh čar ơi Nguyễn Phú Trọng lăi pơtong: “Amăng djop rơnuk, ƀơi djop boh dêh čar, mơnuih rơgơi kơhnâo lêng ƀing mơnuih akŏ phun kiăng pơtrut pơđĭ kyar lŏn ia”. Khua git gai Ping gah dêh čar rơkâo, djop khul grup boh thâo măi mok, ƀing rơgơi gah bruă kơsem min boh thâo măi mok dêh čar ta, sit biă ñu lĕ ƀing rơgơi kơhnâo, ƀing thâo kơsem min boh thâo phrâo gah khul pơlir hơbit boh thâo măi mok Việt Nam kiăng gir run, hơmâo lu tơlơi pơgôp dong, ba glăi tŭ yua ƀiă dong amăng bruă pơjing, pơđĭ kyar lŏn ia tañ hloh hăng hơđong kjăp.

Khua git gai Ping gah dêh čar ơi Nguyễn Phú Trọng ăt rơkâo, kơtưn amămg bruă hơkrŭ pơphun bruă, hrưn đĭ tŭ yua bruă mă mơng Khul boh thâo măi mok Việt Nam mơng gơnong glông truh pơ ƀon lan; pơphô bruă pơjing hơdră bruă, ngă gêh gal brơi ƀing rơgơi kơhnâo dưi mă bruă hăng pơgôp pơđĭ kyar lŏn ia.