Tlam lơ 28/3, ƀơi Ƀirô Ping gah, Khua git gai Ping gah dêh čar ơi Nguyễn Phú Trọng tŭ jum ơi Vương Ninh, Ding kơna Ping gah, Khua git gai Ping gah tơring čar Vân Nam glăk rai čuă Việt Nam hăng git gai hrŏm jơnum kơplah wah Khua git gai Ping gah hơdôm tơring čar Hà Giang, Lào Cai, Lai Châu, Điện Biên dêh čar Việt Nam hăng tơring čar Vân Nam, Khač.

Amăng mông bưp, Khua git gai Ping gah dêh čar ơi Nguyễn Phú Trọng lăng yôm bruă pơđĭ kyar amăng djop mơta amăng tơlơi rô nao rai dua bơnah amăng thun blan laih rơgao, amăng anun hơmâo hơdôm boh than pơtrut pơsur pơbưp, ngă hrŏm giang mah kơplah wah hơdôm boh tơring čar giăm guai Việt Nam hăng Vân Nam. Khua git gai Ping gah dêh čar ơi Nguyễn Phú Trọng čang rơmang ngă tui tơlơi pơsit hrŏm kơplah wah khua mua, tŏ tui hruă kjăp tơlơi ngă giang mah hăng tơlơi yôm mơng tơlơi rô nao rai Việt Nam - Khač, ngă pơgiong hơdôm tơlơi pơsit hrŏm mơng tal nao čuă sit nik dêh čar Khač laih rơgao, pơgôp pơtrut tơlơi rô nao rai giang mah gru grua dua Ping gah, dua Kơnuk kơna.