Khua git gai Ping gah dêh čar ơi Nguyễn Phú Trọng pơpŭ bơni tơlơi gum djru mơng Ping gah, Kơnuk kơna hăng mơnuih ƀon sang Khač brơi kơ Việt Nam amăng rơnuk blah wang pơklaih rơngai lŏn ia đưm hlâo adih hăng pơjing xã hội chủ nghĩa ră anai.

Lăng yôm bruă Ping gah, gong gai hăng mơnuih ƀon sang Quảng Tây hơdôm thun laih rơgao lêng kơ đing nao djă pioh hơdôm anih gru grua bơdjơ̆ nao Khua mir sir Hồ Chí Minh hăng bruă ngă hơkrŭ Việt Nam ƀơi Quảng Tây hăng hơdôm ƀon lan giăm guai hăng Việt Nam hơmâo lu tơlơi pơđĭ kyar hiam klă; rơkâo Quảng Tây hăng hơdôm tơring čar giăm guai ƀơi Việt Nam ba jơlan hlâo hăng ngă tui pran kơtang amăng ngă hrŏm bơwih ƀong huă-sĭ mơdrô, pok pơhai bruă ngă hrŏm bơwih brơi tuai čuă ngui, pơgang rơnuk rơnua, pơbưp mơnuih ƀon sang, gum hrŏm pơjing kual giăm guai rơnuk rơnua, giang mah.