Khua git gai Ping gah dêh čar ơi Tô Lâm lăi pơthâo dua hơnong pơkă pơprong: Truh thun 2030 ƀrô tal hơdor glăi 100 thun akŏ pơjing Ping gah, hăng truh thun 2045 krĕp 100 thun akŏ pơjing dêh čar, hăng hơdră bruă pơplih hơbô̆ bơwih ƀong, pơplih yua boh thâo phrâo hăng ngă hơbot anih anom mă bruă. Kơ bruă pơtom hiăp, Việt Nam lêng kơ kiăo tui jơlan gah rơngai, ngă pô, djop bơnah, lăng dêh čar Japan lĕ bơnah ngă hrŏm yôm phăn djop mơta pơprong hloh.

Khua git gai Ping gah dêh čar hok mơ-ak lơm tơlơi rô nao rai Việt Nam-Japan tŏ tui pơđĭ kyar djop mơta, sit biă ñu tơdơi kơ dua boh dêh čar hrưn đĭ tơlơi rô nao rai ngă hrŏm djop mơta. Ngă hrŏm dơlăm, prong ƀiă dong amăng hơdôm bruă bơwih ƀong, mă bruă, pơtô pơjuăt, pơplih mơtah, pơplih mrô hăng pơbưp nao rai mơnuih bôn sang jai hrơi dơlăm tui, pơgôp pơtrut giang mah hơđông kjăp kơplah wah dua boh dêh čar.