Amăng mông bưp, Khua git gai Ping gah lăi pơtong, tal nao čuă anai kiăng pơtrut tơlơi rô nao rai ngă hrŏm djop mơta amăng djop mơta bruă, sit biă ñu lĕ ngă hrŏm bơwih ƀong huă hăng Indonesia. Việt Nam pơtrut pơsur hơdôm anom bơwih ƀong sĭ mơdrô Indonesia tuh pơ alin pơ Việt Nam hăng čang rơmang Indonesia ngă gêh gal brơi hơdôm anom bơwih ƀong sĭ mơdrô Việt Nam tuh pơ alin, pok prong  bơwih ƀong ƀơi Indonesia.

Pơsit tong tơlơi pơtrun dong yua hơdôm akŏ bruă mơ̆ grup Ciputra glăk pok pơhai ƀơi Việt Nam, Khua git gai Ping gah dêh čar rơkâo grup gum hrŏm kjăp phik hăng Jơnum min mơnuih ƀôn sang ƀôn prong Hà Nội hăng hơdôm anom bruă bơdjơ̆ nao kiăng pok pơhai akŏ bruă; laih dong pơtrut pơsur khul grup tŏ tui kơsem min pok pơhai hơdôm akŏ bruă phrâo ƀơi Việt Nam, ngă tui kơtang ƀiă dong hơdôm bruă hơmâo tơlơi gal amăng ngă hrŏm tuh pơ alin, pơgôp kiăng Việt Nam dưi ngă tui hơdôm hơnong pơkă pơđĭ kyar hơmâo ba tơbiă.

Ăt amăng tlam tom brơi, Khua git gai Ping gah dêh čar ơi Tô Lâm nao lăng mông lăi pơthâo mă yua glông por tơpă mơng Vietnam Airline kơplah wah ƀôn prong Hồ Chí Minh hăng Denpasar, ƀôn prong Bali dong mơng blan 6 thun anai, jing glông por tal 2 mơng Vietnam Airline por nao rai kơplah Việt Nam-Indonesia, đĭ lu tui glông por mơng anom bruă rơdêh por kơplah wah dua boh dêh čar jing 14 glông por rĭm wŏt hrơi tơjuh.