Pơpŭ hơdôm tơlơi dưi blung a, Khua git gai Ping gah dêh čar ơi Tô Lâm lăi pơtong, pơ anăp anai, Quân đoàn kiăng tŏ tui hruă kjăp hăng ngă tui tơlơi črâo trun mrô 35 mơng Ding jum kơđi čar kơ Jơnum Ping gah djop gưl anăp nao Jơnum đơ đam dêh čar tal XIV mơng Ping gah. Đing nao prap lui hăng pơphun truh kih Jơnum Ping gah djop gưl rơwang thun 2025-2030, pơhlôm ngă pô, gum pơgôp, mut hrŏm. Pơlir kjăp bruă dưm dăp glăi djop gưl Ping gah hăng bruă ruah ƀing apăn bruă hăng anih anom mă bruă, pơhlôm tơdơi kơ mông jơnum, djop khul grup Ping gah tañ ngă tui klă tơlơi git gai pơsir hĭ tơnap tap, pơgiong truh kih bruă jao, pơgôp pơjing khul grup Ping gah mă bruă tơpă sit, hơđong kjăp tui bruă kơđi čar, tơlơi pơmĭn, gru hơdip, pơphun bruă hăng ƀing apăn bruă, pơjing anih anom hơđong djop mơta “kjăp bruă, ba gru”.

Tlam hrơi anun mơn, Khua git gai Ping gah dêh čar ơi Tô Lâm nao čuă hăng mă bruă hrŏm Binh đoàn 15 kơ boh than ngă tui bruă jao bơwih ƀong huă mơnuih mơnam amăng pơgang rơnuk rơnua.