Amăng hrơi mông hur har pran jua čơkă thun phrâo 2025 hăng anăp nao tal hơdor glăi 95 thun hrơi akŏ pơjing Ping gah Cộng sản Việt Nam, lơ 29/12, Khua git gai Ping gah dêh čar ơi Tô Lâm hrŏm hăng grup khua mua mơng gơnong glông hơmâo nao tŭi ñang pioh hơdor kơ Khua mir sir Hồ Chí Minh ƀơi pra yang Chung Sơn-pra yang sang anŏ Wa Hô hăng anih djă pioh gru grua dêh čar yôm phăn Kim Liên, tơring glông Nam Đàn, tơring čar Nghệ An. Khua git gai Ping gah dêh čar ơi Tô Lâm pơdah pran jua hơdor tơngia hăng pơpŭ bơni kơ Khua mir sir Hồ Chí Minh, khua apăn akŏ rơgơi kơhnâo mơng Ping gah hăng mơnuih ƀôn sang, mơnuih sông kơtang mơng djuai anai.

Mơnuih tuh rơyuh pran jua yua kơ bruă pơklaih rơngai lŏn ia, ba glăi tơlơi rơngai, yâo mơ-ak mơng djuai ania Việt Nam hăng mơnuih amăng rŏng lŏn tơnah. Kiăo tui anun, Khua git gai Ping gah dêh čar ơi Tô Lâm hơmâo nao pơ pra yang sang anŏ Khua mir sir Hồ Chí Minh, dưm guang bơnga, tŭi ñang, hơ-ŭ hơdor, pơpŭ bơni kơ Khua mir sir Hồ Chí Minh hăng ƀing mơnuih amăng sang anŏ wa.