Khua git gai Ping gah dêh čar ta ơi Nguyễn Phú Trọng pơtŏng sit Việt Nam kiăo tui mơn jơlan gah pơtom hiăp rơngai, gơgrong pô, mơ-ak klă, giăng mah, gum hrom hăng pơđĭ kyar, pơplih lu mơta, lu bơnah rô nao rai, gơgrong hlâo hăng mut hrom klă hăng jar kơmar, jing gơyut, jing bơnah gum hrom đăo gơnang hăng ding kơna klă, hmâo bruă gơgrong amăng jar kơmar.

Khua git gai Ping gah brơi thâo: Việt Nam amra gum hrom hăng hơdôm bơnah jar kơmar amăng bruă kơtưn giăng mah hăng bơkơtuai, hơkrŭ đĭ tơlơi rơnuk rơnua, pơtrut pơđĭ kyar. Việt Nam bơni Mi dŏng yua bruă phun mơng ASEAN, hrom hăng hơdôm bôh dêh čar kual ASEAN pơtrut tơhnal lăng ASEAN kơ Ấn Độ Dương - Thái Bình Dương. Khua mir sir dêh čar Mi Joe Biden pơtŏng sit Việt Nam jing bơnah gum hrom yôm phăn, dŏng yua sa Việt Nam “Rơngai, gơgrong pô hăng pơdrong asah”, pơtŏng sit glăi pơpŭ tơlơi rơngai, gơgrong pô, pơhlôm lŏn ia hăng hơdră bruă kơđi čar mơng Việt Nam. Ăt amăng mông bơkơtuai anai mơn, ơi Joe Biden lăi pơthâo nao rai sa dua mơta tơlơi jar kơmar kah hăng bŏng glăi hăng pơplih ayuh hyiăng, hơkrŭ glăi bơwih ƀong – mơnuih mơnam tơdơi kơ klin ngă, gum hrom tơpă – tơlơi dưi ană mơnuih./.