Čơtlăm lơ 22/5, ƀơi Ƀirô mă bruă Ping gah dêh čar, Khua git gai Ping gah dêh čar ta ơi Nguyễn Phú Trọng hmâo bruă bơkơtuai hăng Khua git gai Ping gah Nga pơlir hơbit, Kơ-iăng Khua Khul pơgang rơnuk rơnua Nga Dmitry Medvedev glăk hmâo tal rai čuă dêh čar Việt Nam mơng lơ 21 truh lơ 23/5/2023 tui Tơlơi pơkôl gum hrom kơplah wah Ping gah dêh čar Việt Nam hăng Ping gah lŏn ia Nga pơlir hơbit. Amăng mông bơkơtuai, dua gơñu hmâo pơdah pran jua mơ-ak kơ tơlơi rô nao rai giăng mah mơng hlâo klă hiam hăng gum hrom bruă abih bang kơplah wah dua bôh dêh čar hăng bruă gum hrom kơjăp dua bơnah Ping gah hluai tui pran đăo gơnang kơđi čar prong, pơdah tui hơdôm bruă bơkơtuai gưl dlông kơplah wah dua bôh dêh čar, dua Ping gah.

Lăi rơđah Việt Nam pơpŭ na nao tơlơi dong yua, gum djru yôm phăn mơng mơnuih ƀôn sang Liên Xô hơđăp hăng mơnuih ƀôn sang Nga adơi ayong, Khua git gai Ping gah dêh čar ta pơtŏng sit amăng hơdră bruă pơtom hiăp mơng pô, Việt Nam lăng yôm tơlơi giăng mah mơng hlâo, Gum hrom bruă abih bang hăng Nga, Ping gah Việt Nam lăng yôm bruă pơđĭ kyar tơlơi rô nao rai hăng hơdôm ping gah mơng Nga, Ping gah Cộng sản Việt Nam lăng yôm bruă rô nao rai hăng hơdôm Ping gah Nga, amăng anun hmâo Ping gah “Lŏn ia Nga pơlir hơbit”, ngă phun than bruă kơđi čar kơ tơlơi rô nao rai sui thun hăng kơjăp kơplah wah dua bôh dêh čar./.