Rơgao kơ bơkơtuai, lu tơlơi gum pơhiăp pơsit hơdôm hrơi rơgao kual bơwih ƀong Việt Nam hmâo laih lu yak pơđĭ kyar yôm phăn, samơ̆ ăt glăk bưp lu tơlơi gun, bơdjơ̆ nao dơlăm truh bruă ngă tui bruă mă, anih gơgrong hăng bôh thâo gum hơgôp mơ̆ng bruă bơwih ƀong mơnuih ƀôn sang pioh kơ tơlơi pơđĭ kyar mơ̆ng bruă bơwih ƀong dêh čar ta.

Yua anun yơh, anai lĕ mông ƀu dưi ngă kaih hloh khom lŏm lui hơdôm anô̆ ngă gun, rŭ tơgŭ pran kơtang mơ̆ng kual bơwih ƀong yôm phăn anai, gum hơgôp pơsit mut bruă ngă tui truh kih tơhnal pơkă bruă pơđĭ kyar Lŏn ia truh thun 2030 hăng 2045 hăng abih bang Ping gah, abih bang mơnuih ƀôn sang ta hmâo ba tơbiă hăng pran pơsit ngă tui. Pơhiăp amăng mông mă bruă, Khua git gai Ping gah dêh čar ơi Tô Lâm sa wot dong lăi rơđah, bruă bơwih ƀong mơnuih ƀôn sang jing pran pơtrut yôm phăn mơ̆ng bruă bơwih ƀong pơsit jơlan gah mơnuih mơnam dưm kơnar, biă ñu pioh kơ đĭ kyar. Pơ̆ anăp anai Ping gah, Kơnuk kơna amra hmâo hơdôm hơdră pơsit prong, yôm phăn pioh jing pran pơtrut kơ kual bơwih ƀong mơnuih ƀôn sang pơđĭ kyar kơtang hloh dong, pioh djop mơnuih bơwih ƀong pơđĭ kyar gum hơgôp lăp djơ̆ amăng bruă pơđĭ kyar bơwih ƀong mơnuih mơnam mơ̆ng Lon ia./.