Indonesia lĕ anih nao tal blung a mơ̆ng Khua git gai Ping gah dêh čar ta ơi Tô Lâm amăng tal nao pơ̆ dêh čar tač rơngiao blung a thun 2025, pơphun amăng mông tơlơi rô nao rai dua bôh dêh čar glăk pơđĭ kyar klă hiam hăng hơdôm bôh tơhnal hmâo rơgao kơ tơhnal pơkă ƀrô djơ̆ tal hơdor glăi 70 thun pơjing bruă pơtom hiăp (1955-2025).

Tal nao čuă amra djru hơkrŭ đĭ pran đăo kơnang kơđi čar, pơđĭ tơhnal gum hrŏm amăng abih bang hơdôm bruă kơplah wah dua bôh dêh čar. Amăng kual ASEAN, 30 thun yap mơ̆ng hrơi Việt Nam gum hrŏm mơ̆ng thun 1995 truh ră anai lĕ bruă mă lu gru pơđom pioh lăp hơdor wot dêh čar Việt Nam hăng ASEAN. Hơdôm hrơi hmâo ƀuh sa Việt Nam amăng ƀrư̆ kơjăp tui, amăng ƀrư̆ pơđĭ kyar, gơgrong hlâo hăng amra gum hơgôp lu hloh kơ bruă hrŏm. Hluh gah lơm gum hrŏm ASEAN, Việt Nam leng kơ dưm nao hlâo dlông hloh kơ bruă djă pioh gum hrŏm hơbit hăng pơlir hơbit ASEAN./.