Pơhiăp tom jê̆ giăm mơak biă hăng ƀing pơ ala, Khua git gai Ping gah, Khua mir sir bơni biă kơ tơlơi gir mơ̆ng mơnuih ƀôn sang Việt ƀơi Philippines amăng bruă mut hrŏm tơlơi hơdip mơda ƀơi dêh čar glăk dŏ, răk pioh gru grua hiam mơ̆ng djuai ania, hơmâo lu bruă pơtrut bơwih ƀong sĭ mơdrô dua bơnah. Lăi dlăm amăng hơdôm mông bưp khua mua prong dêh čar Philippines, Khua git gai Ping gah, Khua mir sir amra rơkâo đĭ dong mơn hăng kơnuk kơna Philippines lăng ba, djru ba neh met wa găl tơlơi phiăn kjăp, hơđong tơlơi hơdip mơda, mut hrŏm hăng mơnuih phung lŏn ia gơñu glăk dŏ.

Khua git gai Ping gah, Khua mir sir pơsit, hơdră ngă bruă mơng akŏ truh pơ tlôn mơ̆ng Ping gah hăng Kơnuk kơna ta leng kơ lăng ba, wai lăng tơlơi hơdip mơnuih ƀôn sang Việt Nam glăk dŏ pơ čar rơngiao, lăng anai jing khul mơnuih ƀu thâo člah đuăi ôh, laih anun jing yom biă mă hăng djuai ania Việt Nam. Laih anun pơ anăp, hơdôm tơlơi djru hăng mơnuih Việt Nam dŏ pơ čar rơngiao amra pơplih glăi dong, đah mơ̆ng djru brơi neh met wa ta pơ čar rơngiao hơmâo lu hloh tơlơi gum pơgôp kơ plơi pla, lŏn ia./.