Ƀrô hrơi ngă lơphet 78 thun Hrơi khua mir sir Hồ Chí Minh jak iâu bơkơtưn khăp kơ lŏn ia (11/6), mơguah lơ 10/6, ƀơi Sang bruă Mir sir, Khua git gai Ping gah, Khua mir sir ơi Tô Lâm pioh mông bưp 100 čô mơnuih rơgơi mơbruă mơ̆ng jơlan hơdră “Ngă bruă hiam” yua Gong phun pơdah rup Việt Nam pô pơtui. Hơdôm čô mơnuih nao pơhmư̆ rai mơ̆ng lu plơi pla, hnưr thun phara, bruă mă phara, tơlơi hơdip phara mơn, samơ̆ hơmâo anŏ bơkơnar lĕ pran jua hơdip thâo khăp ƀu-eng, thâo kah pơpha, djru mơnuih mơnam.

Pơ ala kơ khua mua Ping gah, Kơnuk kơna, Khua git gai Ping gah, Khua mir sir ơi Tô Lâm bơni kơ hơdôm bruă ngă hiam anun, pơsit anai jing anŏ yom dlăm biă mă, bang hyu gru grua thâo khăp pap hơdor tơngia mơ̆ng djuai ania ta. Laih dong kiăng hơdôm ding jum, anom bruă, pơplih phrâo na nao bruă bơkơtưn khăp kơ lŏn ia sit nik, tŭ yua, nao hrŏm hăng bruă đĭ kyar lŏn ia hăng bơwih brơi Mơnuih ƀôn sang; pơđĭ tui anŏ klă bruă bơwih brơi, lăng ba tơlơi suaih pral kơ mơnuih ƀôn sang hăng hmao kru pơsir hĭ anŏ tơnap, tơlơi gun amăng plơi pla./.